श्रीमते रामानुजाय नमः
सेवा, दान र धर्ममार्फत समाजलाई उज्यालो बनाउने हाम्रो यात्रा"
श्री रामानुज भक्त भागवत सेवा सरोकार केन्द्र, विराटनगर–३, मोरङ एक धार्मिक, सामाजिक र सांस्कृतिक सेवामुखी संस्था हो जसको स्थापना वि.सं. २०८२ मा भएको हो। यस संस्थाले असहाय, विपन्न, वृद्ध, अनाथ, अपाङ्ग र प्राकृतिक विपत्तिबाट प्रभावित व्यक्तिहरूलाई सहयोग पुर्याउँदै आएको छ। हाम्रो प्रमुख उद्देश्य समाजमा धार्मिक चेतना फैलाउनु, मानवीय सेवा प्रवाह गर्नु, स्वास्थ्य तथा शिक्षामा सहयोग पुर्याउनु र दान, श्रमदान तथा स्वयंसेवामार्फत समाजमा सकारात्मक परिवर्तन ल्याउनु हो।
परोपकारी भावनामा आधारित निस्वार्थ भावका साथ भक्त र भागवत सेवा आचार्य सम्मान भगवानमा पुजा, इ नै कार्य हरु प्रमुख हुनेछ। अन्त्येस्थी कार्यका कामहरु र श्री रामानुज स्वामीज्यु को बैभव उच्च राखी आचार्यका शिक्षा सिरोधार्य गर्दै जानेछ।
असहाय र विपन्नलाई सहारा दिनु
श्री रामानुज भक्त भागवत सेवा सरोकार केन्द्रको पहिलो उद्देश्य समाजमा रहेका असहाय, विपन्न, वृद्ध–वृद्धा, अपाङ्ग, अनाथ बालबालिका तथा रोगीहरूलाई जीवनयापनमा सहजता दिलाउनु हो। हामीले नियमित रूपमा खाना, कपडा, औषधि, आश्रय र आर्थिक सहायता उपलब्ध गराउँदै आएका छौँ। यस्तो सहयोगले केवल भौतिक आवश्यकता मात्र पूरा गर्दैन, बरु समाजमा प्रेम, दया र सहानुभूतिको भावना जगाउँछ, जसले पीडित व्यक्तिहरूलाई पुनः जीवनप्रतिको आशा जगाउँछ।
धार्मिक, सामाजिक र सांस्कृतिक मूल्यको संरक्षण गर्नु
हाम्रो संस्थाको अर्को महत्वपूर्ण उद्देश्य भनेको समाजमा धार्मिक, सामाजिक र सांस्कृतिक मूल्यहरूको संरक्षण र प्रवर्द्धन गर्नु हो। भागवत कथा, रामायण पाठ, पूजा, सत्संग, यज्ञ तथा अन्य धार्मिक कार्यक्रमहरूको आयोजना गरेर हामीले समाजमा नैतिकता, आस्था र एकताको भाव फैलाउने कार्य गर्दै आएका छौँ। यी कार्यक्रमहरूले पुराना संस्कार र परम्परालाई जीवित राख्ने मात्र होइन, नयाँ पुस्तालाई धार्मिक शिक्षासँगै सकारात्मक जीवनपद्धति अपनाउन प्रेरित गर्छ।
धार्मिक, साशिक्षा र स्वास्थ्यमा योगदान पुर्याउनु सामाजिक र सांस्कृतिक मूल्यको संरक्षण गर्नु
शिक्षा र स्वास्थ्य मानव जीवनका आधारभूत आवश्यकता हुन्। हाम्रो संस्था आर्थिक रूपमा कमजोर तर मेधावी विद्यार्थीलाई छात्रवृत्ति, किताब, स्टेशनरी र अन्य शैक्षिक सामग्री वितरण गरेर उनीहरूको उज्ज्वल भविष्य निर्माणमा सहयोग गर्दै आएको छ। त्यस्तै गरी निःशुल्क स्वास्थ्य शिविर, रक्तदान कार्यक्रम, औषधि वितरण र स्वास्थ्य सचेतनामूलक अभियानमार्फत स्थानीय समुदायमा स्वास्थ्य सेवाको पहुँच अभिवृद्धि गर्ने हाम्रो मुख्य प्राथमिकता हो। यसरी, हामीले शिक्षा र स्वास्थ्यलाई जीवनपरिवर्तनकारी शक्ति ठानेका छौँ।
आपतकालीन अवस्थामा राहत र उद्धार उपलब्ध गराउनु
प्राकृतिक प्रकोप वा आकस्मिक दुर्घटनाहरूले गर्दा थुप्रै मानिसहरूको जीवन संकटमा पर्छ। हाम्रो संस्थाले बाढी, भूकम्प, आगलागी, महामारी जस्ता आपतकालीन परमगति भएको अवस्थामा तत्काल राहत प्याकेज वितरण गर्ने, पीडित परिवारलाई आश्रय दिलाउने, र आवश्यक स्वास्थ्य तथा आर्थिक सहयोग उपलब्ध गराउने कामलाई विशेष प्राथमिकता दिएको छ। आपतकालीन उद्धार र राहतले समाजमा संकटको घडीमा “एक अर्काको साथ” भन्ने भावलाई अझ मजबुत बनाउँछ।
सामाजिक चेतना फैलाउनु र समाजलाई दिगो विकासतर्फ लैजानु
हाम्रो पाँचौं उद्देश्य समाजमा सकारात्मक चेतना फैलाउने र समुदायलाई दिगो विकासको दिशातर्फ अघि बढाउनु हो। यसअन्तर्गत हामीले नशा नियन्त्रण अभियान, महिला सशक्तिकरण कार्यक्रम, बाल अधिकार संरक्षण, सरसफाइ तथा वातावरण संरक्षणजस्ता सचेतनामूलक गतिविधि सञ्चालन गर्दै आएका छौँ। यी अभियानहरूले समाजलाई हानिकारक बानी–व्यवहारबाट टाढा राख्न, वातावरणीय सन्तुलन कायम गर्न र सबै वर्ग–समुदायलाई समान अवसरसहितको जीवनप्रति सचेत बनाउन सहयोग पुर्याउँछन्।
हाम्रो दृष्टिकोण
- समान अवसरको समाज - जात, धर्म, वर्ग वा आर्थिक स्थिति जे भए पनि सबैलाई समान सेवा र अवसर दिने।
- धार्मिक, सामाजिक र सांस्कृतिक एकता - धार्मिक सहिष्णुता, सांस्कृतिक विविधता र सामाजिक एकतालाई मजबुत बनाउने।
- सेवामुखी समाज - दान, श्रमदान, सामाजिक सहयोगमार्फत मानवता र सद्भाव फैलाउने।
- सामाजिक न्याय र शान्ति - विपन्नलाई उठाउने, असहायलाई हेरचाह गर्ने र सबैलाई सम्मान दिलाउने।